नेपाल राष्ट्रिय व्यवसायी महासंघको तेस्रो राष्ट्रिय अधिवेशन मिति तोकियो

उद्योग

गृहपृष्ठ
उद्योग

नेपाल राष्ट्रिय व्यवसायी महासंघको तेस्रो राष्ट्रिय अधिवेशन मिति तोकियो

क्यापिटल नेपालसोमबार, पुस १५, २०८१

काठमाडौँ। नेपाल राष्ट्रिय व्यवसायी महासंघको ७औँ साधारणसभा तथा तेस्रो राष्ट्रिय अधिवेशन आगामी पुस २० गते हुने भएको छ। अधिवेशनको पूर्वसन्ध्यामा आयोजित पत्रकार सम्मेलनमा महासंघका अध्यक्ष कुमार कार्कीले कार्यक्रमबारे जानकारी दिएका हुन्।

महासंघका अनुसार अधिवक्ता अर्जुन अर्यालको संयोजकत्वमा पाँच सदस्यीय निर्वाचन समिति गठन गरिएको छ। निर्वाचन समितिले अन्तिम मतदाता नामावली प्रकाशन गरिसकेको छ।

अध्यक्ष कार्कीले साना तथा मझौला उद्योगी व्यवसायीलाई स्थानीय सरकारको सिफारिसबिना धितो सहुलियत ब्याजदरमा २५ लाखसम्मको ऋण उपलब्ध गराउनुपर्ने धारणा व्यक्त गरेका थिए। उनले भने, ‘व्यवसायीले अनुदानमा नभई सहुलियत दरमा ऋणमा पाउनुपर्छ।'

उनले व्यवसाय दर्ता प्रणाली एकद्वार प्रणालीबाट हुनुपर्ने, भन्सार दर समयसापेक्ष पनि परिमार्जन गरिनुपर्नेमा जोड दिए। सहरी क्षेत्रमा उद्योग व्यापार व्यवसाय गर्नेका लागि राज्यले वैज्ञानिक घर भाडा कर लागु गर्नुपर्ने, खाता विवरणको आधारमा कर कार्यालयबाट कर चुक्ता प्रमाण पत्र प्रदान गरेपश्चात पुनरावलोकन हुनु नहुने, स्थायी लेखा नम्बरमार्फत गरिने कारोबारको सीमा ५० लाखबाट बढाएर दुई करोड बनाउनुपर्ने भनाइ राखेका थिए।

प्रकाशित मिति: सोमबार, पुस १५, २०८१ १२:४७

प्रतिक्रिया दिनुहोस्