साताको कार्टुन : सहकारी हिनामिनाको प्रमाण नष्ट गर्न आगो लाउने प्रवृत्ति नमौलाओस्!

अर्थतन्त्र

गृहपृष्ठ
अर्थतन्त्र

साताको कार्टुन : सहकारी हिनामिनाको प्रमाण नष्ट गर्न आगो लाउने प्रवृत्ति नमौलाओस्!

क्यापिटल नेपालशुक्रबार, जेठ ४, २०८१

सहकारी ठगीमा संघीय संसद् तातिरहेको छ। गत हिउँदे अधिवेशनदेखि तातेको संघीय संसद् चालू बजेट अधिवेशनमा पनि उत्तिकै गर्माएको छ।

बिहीबार त सहकारी ठगी प्रकरणमा संसदीय छानबिन समिति नबनेको भनेर झण्डै हात हालाहालको स्थिति आयो। खासगरी उपप्रधान तथा गृह मन्त्री रवि लामिछाने सहकारी ठगी प्रकरणमा जोडेर संसदीय छानबिन समितिको माग गर्दै प्रमुख प्रतिपक्षी दल नेपाली कांग्रेसले निरन्तर संसद् अवरोध गरिरहेको छ।

अर्कोतिर बिहीबार मात्रै ललितपुरको कुपण्डोलमा रहेको हाम्रो सगरमाथा सहकारी (जसले निक्षेपकर्ताको पैसा फिर्ता गर्न सकेको छैन)मा आगो लागेको घटना बाहिर आयो। मुलुकभर बेलाबेला विभिन्न सहकारीमा आगलागी भएका घटना बाहिर आइरहन्छन्। दर्जनौं सहरकारी समस्याग्रस्त घोषणा गरिएका छन्। यसले सहरकारीमा ठूलो समस्या छ भन्ने देखाउँछ।

बिहीबार आगो लागेको सहकारी पनि समस्याग्रस्त घोषणा हुने तयारी सहकारी विभागले गरेको थियो। समाचारअनुसार आगलागी भएको भनिएको भवनमा विद्युत् आपूर्ति बन्द रहेको जनाइएको छ। यस्तो अवस्थामा आगलागी हुनु आफैंमा संकास्पद देखिन्छ।

सहकारी सञ्चालक र व्यवस्थापकहरुले निक्षेपकर्ताको पैसा फिर्ता गर्न नपरोस् र प्रमाणहरु नष्ट गर्न सकियोस् भनेर कतै आगो लगाउने उपाय प्रयोगका गरेका त हैनन्? प्रश्न उब्जाएको छ। यसतर्फ सरोकारवाला सबैले ख्याल गर्नुपर्नेछ भने राजनीतिक दलहरु बहाना खोजेर सहकारी समस्याबाट भाग्नुभन्दा समस्या समाधानको उपाय सिर्जनातर्फ लागेमा आमसहकारी पीडितको उदार हुनेछ।

प्रकाशित मिति: शुक्रबार, जेठ ४, २०८१ १६:२६

प्रतिक्रिया दिनुहोस्