कामना सेवा विकास बैंकले हस्तान्तरण गर्‍यो जुत्ता सर्भिस बुथ

बैंकिङ

गृहपृष्ठ
बैंकिङ

कामना सेवा विकास बैंकले हस्तान्तरण गर्‍यो जुत्ता सर्भिस बुथ

क्यापिटल नेपालबिहीबार, माघ २५, २०८०

काठमाडौं। कामना सेवा विकास बैंकले सामाजिक उत्तरदायित्वअन्तर्गत काठमाडौं महानगर–३ रानीबारी चोकमा जुत्ता मेन्डर (जुत्ता सिलाउने) का लागि सर्भिस बुथ निर्माण गरी हस्तान्तरण गरेको छ।

काठमाडौं महानगर–३ सँगको सहकार्यमा उक्त क्षेत्रमा अव्यवस्थित तबरले बस्ने जुत्ता मेन्डरको पेसा सहज र व्यवस्थित बनाउन महानगरअन्तर्गत वडा कार्यालयसँगको समन्वयमा जुत्ता मेन्डर सर्भिस बुथ निर्माण गरिएको बैंकले जनाएको छ।

उक्त बुथ उद्घाटन वडा–३ का वडा सदस्य सीता थापाले गरिन्। उनले अव्यवस्थित तवरले जुत्ता पालिस तथा मर्मत गर्ने व्यक्तिलाई व्यवस्थित वनाउन बैंकबाट प्राप्त सहयोगप्रति धन्यवाद दिइन्।

उक्त बुथ रानीबारीस्थित जुत्ता मेन्डर उपेन्द्र दासलाई हस्तान्तरण गरिएको थियो। यस्ता कार्यले जुत्ता मेन्डरलाई व्यवस्थित स्थान उपलब्ध गराएर उनीहरुलाई जीविकोपार्जनमा सहयोग पुगोस् भन्ने उद्देश्य रहेको बैंकले जनाएको छ।

प्रकाशित मिति: बिहीबार, माघ २५, २०८० १५:५४

प्रतिक्रिया दिनुहोस्