देश अर्थ राजनीतिको गम्भीर संकटमा पुग्दै छ- बाबुराम भट्टराई

राजनीति

गृहपृष्ठ
राजनीति

देश अर्थ राजनीतिको गम्भीर संकटमा पुग्दै छ- बाबुराम भट्टराई

क्यापिटल नेपालबिहीबार, चैत १४, २०८१

काठमाडौं। पूर्व प्रधानमन्त्रीसमेत रहेका नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले नेपालको अर्थ राजनीतिमा गम्भीर संकट आएको बताएका छन्।

दाङको घोराहीमा आयोजित कार्यक्रमलाई सम्बोधन गर्दै भट्टराईले ढिलो या छिटो सहमति जुटाएर प्रत्यक्ष निर्वाचित राष्ट्रपति प्रणाली कायम गर्न सकेमा हाल देखापरेका समस्या समाधान हुने बताए।

संविधानले राजनीतिक अधिकार स्थापित गरे पनि वर्तमान शासकीय स्वरूपले अपेक्षाअनुसार काम गर्न नसक्दा प्रत्यक्ष निर्वाचित राष्ट्रपतीय प्रणाली अबको आवश्यकता रहेको उनको भनाइ छ।

उनले प्रत्यक्ष निर्वाचित कार्यकारी भएमा सरकार स्थिर रहने देशमा आर्थिक विकास संस्थागत हुने बताए। ‘रोगको समयमा उपचार भएन भने अस्थिरता अझ बल्झिन्छ,’ उनले भने, ‘२०७२ को संविधानले राजनीतिक अधिकार दियो तर आर्थिक विकासका मुद्दा अघि बढाउन सकेन। त्यसैले जनतामा निराशा बढेको हो।’

प्रकाशित मिति: बिहीबार, चैत १४, २०८१ १२:०५

प्रतिक्रिया दिनुहोस्