नेपाल मर्चेन्ट बैंकर्स संघ र एआईबीआईबीच सम्झौता

बैंकिङ

गृहपृष्ठ
बैंकिङ

नेपाल मर्चेन्ट बैंकर्स संघ र एआईबीआईबीच सम्झौता

क्यापिटल नेपालसोमबार, माघ १४, २०८१

काठमाडौं। नेपाल मर्चेन्ट बैंकर्स संघ र एशोशिएशन अफ इन्भेष्टमेन्ट बैंकर्स अफ इण्डिया (एआईबीआई)बीच लगानी व्यवसायीहरूबीच पारस्परिक सहयोग र सहकार्य गर्ने सम्झौत भएको छ। भारतको मुम्बईस्थित जियो वल्र्ड कन्भेन्सन सेन्टरमा आयोजित एआईबीआईको १३ औँ वार्षिक सम्मेलनमा यो सम्झौता भएको हो।

नेपाल मर्चेन्ट बैंकर्स संघका तर्फबाट अध्यक्ष रामेन्द्र रायमाझी र एआईबीआइका तर्फबाट अध्यक्ष महावीर लुनावतले सम्झौता पत्रमा हस्ताक्षर गरेका थिए। नेपाल मर्चेन्ट बैंकर्स संघ र एआईबीआईबीच सम्पन्न सम्झौताअनुसार नेपाल र भारतका मर्चेन्ट बैंकरहरूबीच सिप विकास तथा व्यावसायिक क्षमता अभिवृद्घि गर्ने, नैतिक मापदण्ड कायम गर्ने, व्यावसायिक विकाससँगै नियामक निकायसँगको समन्वयलाई बढावा दिन र सूचना तथा प्रविधिको विकासमा सहकार्य प्रदान गर्ने समझदारी भएको छ।

यस सम्झौता कार्यक्रममा नेपालका तर्फबाट बैंकर्स संघका अध्यक्ष रायमाझीसहित निवर्तमान अध्यक्ष विजय लाल श्रेष्ठ, उपाध्यक्ष मनिष नारायण जोशी, महासचिव निर्मल भट्टराई, कोषाध्यक्ष शिभान्त बहादुर पाण्डे, सदस्यहरू लेखनाथ पोख्रेल र सन्दिप कार्कीको उपस्थिति थियोे।