एनसीएचएल–आइएमएस सफ्टवेयर नेपाल पे क्यूआर इन्टिग्रेट सम्झौता

कर्पोरेट बजार

गृहपृष्ठ
कर्पोरेट बजार

एनसीएचएल–आइएमएस सफ्टवेयर नेपाल पे क्यूआर इन्टिग्रेट सम्झौता

क्यापिटल नेपालशनिबार, साउन ५, २०८१

काठमाडौं। नेपाल क्लियरिङ हाउस (एनसीएचएल) र आइएमएस सफ्टवेयरबीच नेपाल पे क्यूआर इन्टिग्रेट सम्झौता भएको छ। सम्झौतामा एनसीएचएलका प्रमुख कार्यकारी अधिकृत नीलेशमान सिंह प्रधान र आइएमएसका प्रबन्ध निर्देशक सन्तोष ताम्राकारले हस्ताक्षर गरे।

सम्झौतापछि आइएमएसको बिलिङ सफ्टवेयरमा नेपाल पे क्यूआर इन्टिग्रेट गरी ग्राहकले तोकिएको बैंक खातामा सोझै भुक्तानी पाउन सक्नेछन्।

सेवा सुरुवातसँगै आईएमएसका बिलिङ सफ्टवेयर प्रयोग गरी मर्चेन्टलाई नेपाल पे क्यूआरमार्फत सहज भुक्तानी सुविधाका साथै भुक्तानीकर्ताले पनि सजिलै आफ्नो मोबाइल बैंकिङ, वालेट वा कनेक्ट आइपिएमार्फत भुक्तानी गर्न सक्नेछन्।

आइएमएस सफ्टवेयर नेपालको अग्रणी सफ्टवेयर कम्पनी हो। यसले विभिन्न क्षेत्र, रिटेल बिजनेस, मर्चेन्ट गरी नेपाल, भारत, मलेसिया र जापानलगायत देशमा २० हजार बढी ग्राहकलाई सेवा दिँदै आएको छ।

प्रकाशित मिति: शनिबार, साउन ५, २०८१ १६:३५

प्रतिक्रिया दिनुहोस्