सूर्योदय र सूर्यास्तको गन्तव्य चेर्दुङडाँडाले बाेलाइरहेछ पर्यटक (तस्बिरसहित)

फोटो फिचर

गृहपृष्ठ
फोटो फिचर

सूर्योदय र सूर्यास्तको गन्तव्य चेर्दुङडाँडाले बाेलाइरहेछ पर्यटक (तस्बिरसहित)दोलखाको जिरी नगरपालिका र गौरीशंकर पालिकामा अवस्थित चेर्दुङडाँडा सूर्याेदय र सूर्यास्त अवलोकनका लागि प्रख्यात छ। नजिकैबाट देखिने गौरीशंकर, नुम्बुर, माछापुच्छ्रे, धौलागिरि, अन्नपूर्ण, मनास्लु, लाङटाङ हिमशृंखलाको दृश्यावलोकनले मनै फुरुंग बनाउँछ।

जीवन लामाशनिबार, माघ १९, २०८१

दोलखाको जिरी नगरपालिका र गौरीशंकर पालिकामा अवस्थित चेर्दुङडाँडा सूर्याेदय र सूर्यास्त अवलोकनका लागि प्रख्यात छ। समुद्री सतहबाट ३६९० मिटर उचाइको यो स्थान धार्मिक र प्राकृतिक सुुन्दरताले भरिपूर्ण छ। नजिकैबाट देखिने गौरीशंकर, नुम्बुर, माछापुच्छ्रे, धौलागिरि, अन्नपूर्ण, मनास्लु, लाङटाङ हिमशृंखलाको दृश्यावलोकनले मनै फुरुंग बनाउँछ।

चेर्दुङडाँडाबाट दिउँसो, रात्रिकालीन र बिहान–बेलुकाको सूर्योदय र सूर्यास्तको दृश्यले जोकोही लोभिन सक्छन्। काठमाडाैंबाट १८८ किलोमिटर गाडीबाट जिरीमा पुगिन्छ। एक रात बास बस्दा जिरीको चौंरीको चीज, चिया, किबी सिजनअनुसार खान पाइन्छ। अहिले जिरी लिंकन बजारबाट क्याङ्से पोखरीसम्म यातायात सुविधा छ। यहाँबाट विभिन्न प्रजातिका फूल, वनजंगल, भीरपाखा, जडीबुटी र हिमशृं्खला नियाल्दै हिँड्दा बाटो कटेको पत्तै हुँदैन। करिब साढे १ घन्टा पैदल हिँडेपछि गन्तव्य चेर्दुङडाँडा। बौद्ध तथा हिन्दु धर्मावलम्बी मेला लाग्ने बेला दर्शन गर्न यहाँ पुग्छन्। यतिबेला यहाँ बिहान, बेलुकी समय समथर फाँट राताम्य देखिन्छन्।

churdada-(7)-1738323126.jpg