दसैं व्यापारमा पनि सुनसान सपिङ मल (तस्बिरसहित)

फोटो फिचर

गृहपृष्ठ
फोटो फिचर

दसैं व्यापारमा पनि सुनसान सपिङ मल (तस्बिरसहित)बडादसैं नजिकै आइसके पनि उपत्यका अधिकांश मलहरुमा व्यापारको चहलपहल देखिएको छैन। दसैंमा नयाँ लुगा किन्ने, आफन्तका लागि किनमेल गरिने भए पनि यो वर्ष मलमा व्यापार घटेको छ। महंगी बढ्नु र उपभोक्ताको क्रयशक्ति कमजोर हुँदा मलमा चहलपहलमा कमी।

क्यापिटल नेपालमंगलबार, असोज २२, २०८१

बडादसैं नजिकै आइसके पनि उपत्यका अधिकांश मलहरुमा व्यापारको चहलपहल देखिएको छैन। दसैंमा नयाँ लुगा किन्ने, आफन्तका लागि किनमेल गरिने भए पनि यो वर्ष मलमा व्यापार घटेको छ। विगत १० वर्ष देखि सिभिल मलमा व्यापार गर्दै आएका कृष्ण रानाका अनुसार यो वर्ष पोहोरको तुलनामा २० प्रतिशत पनि व्यापार भएको छैन।

काठमाडौं मलमा ६ वर्ष देखि व्यापार गर्दै आएका मनिष शाहीका अनुसार हरेक वर्ष व्यापार घट्दै गएको र यही अवस्था जारी रहे विस्थापित हुनुपर्ने अवस्था आउने उनको गुनासो छ। न्युरोडस्थित पिपुल प्लाजामा १३ वर्ष देखि व्यापार गर्दै आएको दीपक अधिकारीको पनि उस्तै अवस्था छ। उनका अनुसार यो वर्ष ८० प्रतिशतले व्यापार घटेको छ। महंगी बढ्नु र उपभोक्ताको क्रयशक्ति कमजोर हुँदा मलमा चहलपहल कम भएको उनी ठान्छन्।