तीनकुने घटनाबारे उच्चस्तरीय न्यायिक छानबिन आयोग गठन गर्न प्रतिपक्षी दलको माग

समाज

गृहपृष्ठ
समाज

तीनकुने घटनाबारे उच्चस्तरीय न्यायिक छानबिन आयोग गठन गर्न प्रतिपक्षी दलको माग

क्यापिटल नेपालसोमबार, चैत १८, २०८१

काठमाडौं। तीनकुने घटनाबारे उच्चस्तरीय न्यायिक छानबिन आयोग गठन गर्न प्रतिपक्षी दलहरुले माग गरेका छन्। राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले उक्त माग गरेका हुन्।

राप्रपा अध्यक्ष राजेन्द्र लिङ्देनले सो घटनाप्रति दुःख व्यक्त गर्दै निष्पक्ष छानबिको माग गरे। उक्त घटनामा ज्यान गुमाएका पत्रकार सुरेश रजक र अर्का युवा सविन महर्जनलाई सहिद घोषणा गर्न समेत उनले आग्रह गरेका छन्।

यस्तै,रास्वपाका कार्यबाहक प्रवक्ता मनिष झाले तीनकुने घटनामा कुनै एउटा पक्षलाई दोष दिएर सरकार उम्किन नपाउने बताए।

“तीनकुनेको त्यो अराजकता र उदण्डताको हामी विरोध जनाउँछौँ। तर यसमा कुनै एउटा पक्षमात्र जिम्मेवार छैनन्”, उनले भने, “ज्यान गुमाएका युवा सविन महर्जनलाई पछाडिबाट गोली हानेको भिडियो बाहिरिएका छन्। उनी भागेका पनि थिएनन्, ढुङ्गा हानिरहेका थिएनन्। पत्रकार सुरेश रजकको मृत्यु पनि शङ्कास्पद छ। यो घटनामा उच्चस्तरीय छानबिन आयोगको माग गर्दछौँ।” सांसद झाले सदन शालिन, भद्र र संसदीय प्रणालीअन्तर्गत सदन चलोस् भन्ने चाहेको पनि स्पष्ट पारे।

प्रकाशित मिति: सोमबार, चैत १८, २०८१ १४:२८

प्रतिक्रिया दिनुहोस्