ट्रम्पलाई फेसबुकमा प्रतिबन्ध लगाएका मार्क जुकरबर्ग सम्बन्ध सुधार्दै, ट्रम्पको नाममा दिँदै भव्य पार्टी

अन्तर्राष्ट्रिय

गृहपृष्ठ
अन्तर्राष्ट्रिय

ट्रम्पलाई फेसबुकमा प्रतिबन्ध लगाएका मार्क जुकरबर्ग सम्बन्ध सुधार्दै, ट्रम्पको नाममा दिँदै भव्य पार्टी

क्यापिटल नेपालसोमबार, माघ ७, २०८१

काठमाडौं। अमेरिकी राष्ट्रपतिमा निर्वाचित डोनाल्ड ट्रम्पले आफ्नो दोस्रो कार्यकालका लागि आज सपथ लिँदै छन्। राष्ट्रपतिमा निर्वाचित भएका उनी सपथ लिएसँगै कार्यकाल सम्हाल्न राष्ट्रपति कार्यालय ह्वाइट हाउस जाने छन्।

डलर अर्बपति ट्रम्पले उपराष्ट्रपति कमला ह्यारिसलाई पराजित गर्दै दोस्रो पटक विजयी भएका हुन्। उनको चुनावी अभियानलाई सफल बनाउन विश्वका धनाड्य अमेरिकी व्यापारी एलन मस्कले ठूलो धनराशी खर्च गरेका थिए।

साथै, उनको एकल प्रयासमा ट्रम्पलाई राष्ट्रपतिमा निर्वाचन गराउन ठूलो मद्दत पुगेको थियो। आफूलाई राष्ट्रपतिमा जिताएसँगै ट्रम्पले मस्कलाई सरकारी निकाएको महत्वपूर्णमा जिम्मेवारी दिइसकेका छन्।

यस्तैमा ट्रम्पलाई अहिले अर्का अर्बपति व्यापारी तथा फेसबुक, वाट्एपजस्ता सामाजिक सञ्जालको माउ कम्पनी मेटाका मालिक मार्क जुकरबर्गले साथ दिने भएका छन्। पहिलो कार्यकालको राष्ट्रपति पदबाट बाहिरिएसँगै आफ्नो सबै सामाजिक सञ्जाल प्लेटफर्मबाट बिमुख गराएका जुकरबर्ग ट्रम्प सत्तामा आएसँगै नजिक हुने प्रयास गरेका हुन्।

शपथ ग्रहण गरेपछि ट्रम्प आफ्ना निकट व्यक्तिसँग पार्टीमा सहभागी हुनेछन्। न्युयोर्क टाइम्सका अनुसार, यो पार्टी उनै मेटाका मालिक जुकरबर्गले आयोजना गर्ने भएका हुन्। बाइडेन सत्तामा हुँदा जुकरबर्गले फेसबुकमार्फत ट्रम्पलाई प्रतिबन्ध लगाएका थिए।

ट्रम्पको दोस्रो कार्यकालका लागि नेपाली समयअनुसार सोमबार राति सवा १० बजे अमेरिकी संसद क्यापिटल हिलमा शपथ लिने कार्यक्रम रहेको छ।

प्रकाशित मिति: सोमबार, माघ ७, २०८१ १३:४२

प्रतिक्रिया दिनुहोस्