एकै दिन प्रतितोला २८०० रुपैयाँले घट्यो सुन

कर्पोरेट बजार

गृहपृष्ठ
कर्पोरेट बजार

एकै दिन प्रतितोला २८०० रुपैयाँले घट्यो सुन

क्यापिटल नेपालमंगलबार, कात्तिक २०, २०८१

काठमाडौं। नेपाली बजारमा आज सुनको मूल्य घटेको छ। नेपाल सुनचाँदी व्यवसायी महासंघका अनुसार आज आज छापावाल सुनको मूल्य प्रतितोला १ लाख ६८ हजार २०० रुपैयाँमा कारोबार भइरहेको छ।

तिहार सुरु हुनुअघि गत कात्तिक १३ मा प्रतितोला १ लाख ६८ हजार ५०० रुपैयाँमा कारोबार भएको सुनको मूल्य त्यसयता लगातार बढेको थियो।

कात्तिक १५ मा प्रतितोला १ लाख ७१ हजार रुपैयाँसम्म पुगेको थियो। सार्वजनिक बिदाका कारण १५ देखि कात्तिक २० सम्म सोही मूल्यमा कारोबार भएको थियो।

आज अघिल्लो दिनको कारोबार मूल्यको आधारमा छापावाल सुन प्रतितोला २ हजार ८०० रुपैयाँले घटेको हो।

आज चाँदीको मूल्य पनि घटेको छ। आज चाँदी प्रतितोला २ हजार ३० रुपैयाँ मूल्य निर्धारण गरिएको महासंघले जनाएको छ। अघिल्लो दिन कात्तिक १५ मा प्रतितोला २ हजार ९० रुपैयाँमा कारोबार भएको थियो।

प्रकाशित मिति: मंगलबार, कात्तिक २०, २०८१ ११:५०

प्रतिक्रिया दिनुहोस्