सहकारीको बचत ठगी छानबिन गर्न गठित समिति बैठक बस्दै

राजनीति

गृहपृष्ठ
राजनीति

सहकारीको बचत ठगी छानबिन गर्न गठित समिति बैठक बस्दै

क्यापिटल नेपालशुक्रबार, जेठ २५, २०८१

फाइल फोटो

काठमाडौं । सहकारीको बचत अपचलन, हिनामिना, दुरूपयोग तथा ठगी छानबिन गर्न गठित समितिको बैठक आज बस्ने भएको छ। सिंहदबारमा दिउँसो ३ बजे बस्ने बैठकले छानबिन समितिको कार्यविधिलगायत विषयमा छलफल हुने समितिका सभापति सूर्यकुमार थापाले बताए।

सहकारीहरूको बचत अपचलनबारे छानबिन गर्न जेठ १५ गते सात सदस्यीय समिति बनेको छ। समितिले सहकारी संस्थामा देखिएको संकट तथा यससँग जोडिएको कानुनी र संस्थागत प्रयोजन एवं वित्तीय प्रणालीको नियमन, सुपरिवेक्षण र पारदर्शिता सम्बन्धमा अध्ययन गरी तीन महिनाभित्र सुझाव दिने कार्यादेश पाएको छ।

समितिका सभापति एमालेका सांसद सूर्य थापा छन् भने सदस्यमा एमालेकै सरिता भुसाल, कांग्रेसबाट बद्रीप्रसाद पाण्डे र ईश्वरीदेवी न्यौपाने, माओवादीबाट लेखनाथ दाहाल, रास्वपाबाट शिशिर खनाल र राप्रपाबाट ध्रुवबहादुर प्रधान रहेका छन्।

प्रकाशित मिति: शुक्रबार, जेठ २५, २०८१ १३:०१

प्रतिक्रिया दिनुहोस्