एनसेल 'एचआर मिट २०२४' मा २ अवार्डबाट सम्मानित

कर्पोरेट बजार

गृहपृष्ठ
कर्पोरेट बजार

एनसेल 'एचआर मिट २०२४' मा २ अवार्डबाट सम्मानित

क्यापिटल नेपालआइतबार, चैत १८, २०८०

काठमाडौं। नेपालको मानव शंसाधन क्षेत्रमा उत्कृष्ट नीति अभ्यास र कार्यसम्पादन गरेबापत एनसेलले 'एचआर मिट २०२४' मा २ अवार्डबाट पुरस्कृत भएको छ। एनसेल ‘नेशनल एचआर एक्सिलेन्स अवार्ड २०२४’ र ‘एक्सिलेन्स इन लर्निङ एन्ड डेभलपमेन्ट अवार्ड २०२४’बाट सम्मानित भएको हो। स्वतन्त्र मानव संसाधन परामर्श कम्पनी ग्रोथ सेलर्स प्रालिले आयोजना गरेको एचआर मिट २०२४ को समारोहमा शनिबार एनसेललाई उक्त अवार्डहरु प्रदान गरिएका हुन्।

राष्ट्रिय मानव शंसाधन उत्कृष्टता सम्मान अर्थात् नेशनल एचआर एक्सिलेन्स अवार्ड नेपालमा प्रदान गरिने सबैभन्दा ठूलो एचआर अवार्डको रुपमा चिनिन्छ। यसअघि एनसेल नेशनल एचआर एक्सिलेन्स अवार्ड २०२० बाट पनि सम्मानित भएको थियो। एनसेल एचआर मिट २०२४ मा दुईवटा विधामा अवार्ड प्राप्त गर्ने एनसेल एक मात्र कम्पनी रहेको दाबी कम्पनीले गरेको छ।

एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले यी अवार्डहरुबाट सम्मानित भएपछि आफ्नो उत्साह प्रकट गर्दै भने, 'यो उल्लेखनीय उपलब्धि हामी कसरी आफ्ना श्रमशक्ति केन्द्रित भएर कार्य गर्छौ भन्ने कुराको एक प्रमाण हो। एनसेल परिवारका प्रत्येक सदस्य हाम्रो यो सफलता र उनीहरुको समर्पण तथा योगदानको लागि हृदयदेखि प्रशंसाको हकदार छन्। यी सम्मानहरुका लागि हामी निर्णायकमण्डल र आयोजक ग्रोथसेलर्स नेपाललाई धन्यवाद दिन्छौं।'

प्रकाशित मिति: आइतबार, चैत १८, २०८० १७:१९

प्रतिक्रिया दिनुहोस्