पेट्रोलियम पदार्थको मूल्य यथावत्

अर्थतन्त्र

गृहपृष्ठ
अर्थतन्त्र

पेट्रोलियम पदार्थको मूल्य यथावत्

क्यापिटल नेपालशुक्रबार, फागुन १८, २०८०

काठमाडौं। नेपाल आयल निगमले पेट्रोलियम पदार्थको मूल्य यथावत् राखेको छ। इन्डियन आयल कर्पोरेसन (आइओसी)बाट पेट्रोल तथा डिजेलको मूल्य सामान्य बढेर आए पनि नेपालमा यथावत् राखिएको निगमले जानकारी दिएको हो। निगमका प्रवक्ता मनोज ठाकुरका अनुसार आइओसीबाट पेट्रोलको मूल्य प्रतिलिटर २१ पैसा र डिजेलको मूल्य प्रतिलिटर ८५ पैसाले बढेर आएको छ।

त्यस्तै खाना पकाउने एलपी ग्यासको मूल्य प्रतिसिलिण्डर २१ रुपैयाँ ६६ पैसाले बढेर आएको निगमले जानकारी दिएको छ। भारतबाट सामान्य बढेर आए पनि उपभोक्ता हितलाइ ध्यानमा राख्दै मूल्य नबढाइएको निगमको भनाइ छ। हाल नेपालमा पेट्रोलको मूल्य ठाउँअनुसार १६९ रुपैयाँ ५० पैसादखेखि १७२ रुपैयाँसम्म रहेको छ। त्यस्तै डिजेल तथा मट्टितेल ठाउँअनुसार प्रतिलिटर १५७ रुपैयाँ५० पैसादेखि १६० रुपैयाँसम्म रहेको छ। खाना पकाउने ग्यासको मूल्य १ हजार ९१० रुपैयाँ प्रतिसिलिण्डरका दरले रहेको छ।