सवा अर्बमा खुलेको विशाल ग्रुपको साउथ एसियन बेभरेजको जुस व्यापार १५ करोड

उद्योग

गृहपृष्ठ
उद्योग

सवा अर्बमा खुलेको विशाल ग्रुपको साउथ एसियन बेभरेजको जुस व्यापार १५ करोड

क्यापिटल नेपालसोमबार, असार २५, २०८०

काठमाडौं। विशाल ग्रुपको लगानीमा स्थापना भएको साउथ एसियन बेभरेज प्रालिले जुस तथा हल्का पेयपदार्थ उत्पादन थालेको छ। उद्योगले सन् २०२२ को नोभेम्बरदेखि फ्रूटी र एप्पी ब्राण्डको जुस उत्पादन तथा बिक्री वितरण गर्दै आएको छ। सञ्चालनमा आएयता उद्योगले १५ करोड १८ लाख रुपैयाँको जुस व्यापार गरेको जनाएको छ।

उद्योगले १ अर्ब २० करोड ६४ लाख रुपैयाँ ऋणको रेटिङ गराएको छ।

उद्योगले भारतको पार्ले एग्रोको फ्रेन्चाइज भित्र्याएको छ। आगामी दिनमा इनर्जी ड्रिङ्क, कार्बोनेट सोडारटोनिक वाटर, स्पोर्टस बेभरेज र मिल्क बेस्ड बेभरेज उत्पादन गर्ने योजना बनाएको जानकारी दिएको छ।

कम्पनीले आँपको पल्पस, एप्पल कन्सेन्ट्रट्स र अन्य विभिन्न प्रकारका कच्चा पदार्थ आयात गरी जुस उत्पादन गर्दै आएको छ। कम्पनीले १ सय २५ मिलिलिटरदेखि ५ सय मिलिलिटरसम्मको जुस उत्पादन गर्दै आएको छ।

उद्योग पर्साको विन्धबासिनी गाउँपालिकामा छ। उद्योगको कार्यकारी अध्यक्ष विशाल अग्रवाल हुन्। उनको १५ प्रतिशत स्वामित्व छ। बाँकी ८ जना व्यक्ति लगानीकर्ता छन्।

प्रकाशित मिति: सोमबार, असार २५, २०८० १४:३९

प्रतिक्रिया दिनुहोस्