‘रेडमी बड्स ४’ र ‘रेडमी बड्स ४ लाइट’ सार्वजनिक

प्रविधि

गृहपृष्ठ
प्रविधि

‘रेडमी बड्स ४’ र ‘रेडमी बड्स ४ लाइट’ सार्वजनिक

क्यापिटल नेपालशुक्रबार, जेठ ५, २०८०

काठमाडौं। शाओमी नेपालले आफ्नो नयाँ वायरलेस इयरबड ‘रेडमी बड्स ४’ र ‘रेडमी बड्स ४ लाइट’ लन्च गरेको छ। आफ्नो मूल्यका लागि उत्कृष्ट विशेषताहरूले भरिएका यी दुवै इयरबडका विशेषता निम्नअनुसार रहेका छन्:

‘रेडमी बड्स ४’

रेड्मी इयरबड ४ मा संगीतलाई अझै महसुस गर्न हाइब्रिड नोइज क्यान्सिलेसन प्रविधि छ। डुअल ट्रान्सपरेन्सी मोडसँग आउने यस इयरबडले आफ्नो वरपरको वातावरणसँग पनि कनेक्ट राख्दछ।

रेडमी बड्स ४ ले इन–गेम अडियो लेटन्सी प्रदान गर्न ब्लूतुथ ५.२ प्रोटोकल प्रयोग गर्छ ताकि तपाईं छिटो निर्णयहरू लिन सक्नुहुन्छ। रेडमी बड्स ४ को ब्याट्री लाइफ पनि त्यतिकै टिकाउ छ, जसले एक पटक चार्ज गर्दा ६ घण्टासम्मको प्लेब्याक प्रदान गर्दछ र चार्जिङ केसले थप ३० घण्टाको ब्याट्री लाइफ प्रदान गर्न सक्छ।

‘रेडमी बड्स ४ लाइट’

एआई नोइज क्यान्सिलेसनका साथै संगीत र कलको लागि टच कन्ट्रोलहरू जडित ‘रेडमी बड्स ४ लाईट’मा १२ एमएम डाइनामिक ड्राइभर रहेको छ। रेडमी बड्स ४ लाईट मा भिडियो हेर्दा वा गेम खेल्दा अडियो ल्याग कम गर्ने लो लेन्सी मोडका साथसाथै राम्रो र छिटो अनुभवका लागि ब्लूतुथ रहेको छ। रेडमी बड्स ४ लाइटले सिंगल चार्जमा ५ घण्टासम्मको प्लेब्याक प्रदान गर्दछ र चार्जिङ केसले थप २० घण्टाको ब्याट्री लाइफ प्रदान गर्न सक्छ।

रेडमी बड्स ४ को मूल्य ६ हजार ९ सय ९९ रुपैयाँ हो भने रेडमी बड्स ४ लाइटको मूल्य ३ हजार ४ सय ९९ रुपैयाँ हो।

प्रकाशित मिति: शुक्रबार, जेठ ५, २०८० १५:५१

प्रतिक्रिया दिनुहोस्