फोनपेले नेपालमा २१औं एपीएन फोरम आयोजना गर्यो

प्रविधि

गृहपृष्ठ
प्रविधि

फोनपेले नेपालमा २१औं एपीएन फोरम आयोजना गर्यो

क्यापिटल नेपालआइतबार, वैशाख २८, २०८२

काठमाडाैं। फोनपे नेपालले काठमाडौंमा मे ६–७ मा एशियन पेमेंट नेटवर्क (एपीएन)को २१औँ फोरमको पहिलो बैठक आयोजना गरेको छ। हिल्टन होटलमा दुई दिनसम्म चलेको फोरमले एशियाका प्रमुख भुक्तानी नेटवर्कहरूबीच सहकार्य, ज्ञान आदानप्रदान, र रणनीतिक संवादको मञ्च प्रदान गरेकाे कम्पनीले बताएकाे छ।

कार्यक्रममा एशियाका १४ सदस्य राष्ट्रबाट प्रतिनिधिहरू भेला भई एशियामा सीमापार रिटेल भुक्तानीको ‍भविष्य निर्धारण गर्न जुटेका थिए।

उक्त कार्यक्रममा उच्चस्तरीय छलफल,जानकारीमूलक प्रस्तुतीकरणहरू र सदस्य राष्ट्रहरूबीचको डिजिटल वित्तीय सहकार्यलाई मजबुत पार्ने उद्देश्यले विभिन्न सत्रहरू सञ्चालन गरिएका थिए।

कम्पनीका अनुसार फोरमको सुरुआतमा एपीएन प्रतिनिधिहरूले प्रधानमन्त्री केपी शर्मा ओलीसँग प्रधानमन्त्रीको कार्यालयमै भेट गरेका थिए। साे उच्चस्तरीय सहभागिताले कार्यक्रममा सरकारको महत्व दर्शाएको र डिजिटल भुक्तानी क्षेत्रमा क्षेत्रीय सहकार्य र नवप्रवर्तनलाई सुदृढ बनाउने नेपालको प्रतिबद्धता झल्काएको कम्पनीले बताएकाे छ।

“नेपालमा एपीएन फोरम आयोजना गर्नु डिजिटल भुक्तानी क्षेत्रको हाम्रो नेतृत्व क्षमतामा वृद्धिको संकेत हो। यो सिकाइहरू साझा गर्ने र क्षेत्रीय साझेदारहरूसँग सहकार्य गरी समावेशी र सुरक्षित वित्तीय प्रणाली अगाडि बढाउने अवसर हो,” फोनपेका मुख्य कार्यकारी अधिकृत दिवश कुमारले भने।

प्रकाशित मिति: आइतबार, वैशाख २८, २०८२ १५:३६

प्रतिक्रिया दिनुहोस्