हिमालय एयरलाइन्सले कात्तिकबाट चीनका चार सहरमा उडान गर्ने जहाजको संख्या पाँच पुर्याउने

पर्यटन

गृहपृष्ठ
पर्यटन

हिमालय एयरलाइन्सले कात्तिकबाट चीनका चार सहरमा उडान गर्ने जहाजको संख्या पाँच पुर्याउने

सुवास योञ्जनशुक्रबार, असोज १०, २०७६

काठमाडौं । निजी हवाई सेवा कम्पनी हिमालय एयरलाइन्सले कात्तिकबाट चीनका चार ओटा सहरमा उडान गर्ने भएको छ । कम्पनाीले बेइजिङ, छाङसार, नान्चाङ र ग्वायाङमा उडान गर्ने एयरलाइन्सका उच्च कर्मचारीले बताए ।

हिमालयको पहिलो उडान चीनको राजधानी बेइजिङमा हुने छ । ‘साताको कति उडान गर्ने भन्ने बिषय भने तय भएको छैन, एयरलाइन्सका उच्च अधिकारीले क्यापिटलसँग भने, कात्तिकबाट उडान गर्ने पक्का भने भएको छ, केहि दिन भित्रै तालिका सार्वजनिक हुन्छ ’ ।

चीन उडानको तयारी गरेसँगै नयाँ जहाज थप्ने प्रक्रिया पनि अगाडी बढेको छ । असोज भित्रै १ सय २८ सिट क्षमताको एयर बस ३१९ भाडामा ल्याउने तयारी छ । हिमालयले गत जेठ ३ गते भियतनामको ब्याम्बो एयरलाई भाडामा दिएको जहाज पनि फिर्ता ल्याउन लागेको छ । कम्पनीले ६ महिनाको लागि जहाज भाडामा दिएको थियो ।

गत साउन ६ गतेबाट बंगलादेशको ढाकामा पनि उडान सुरु गरेको हिमालयले आगामी बर्ष भित्र ५ ओटा जहाजले उडान गर्ने योजना बनाएको छ । स्रोतका अनुसार अर्को बर्ष पनि नयाँ जहाज भाडामा ल्याउने एयर बससँग सम्झौता भइसकेको छ । सो जहाज आएपछि हिमालयसँग ५ ओटा जहाज हुने छ । ती मध्ये ३ ओटा एयरबस हिमालयकै हो भने २ ओटामा भाडामा ल्याउन लागेको हो ।

लामो समयदेखि नोक्सानमा रहेको हिमालय एयरलाइन्सले पछिल्लो समय नयाँ गन्तव्यमा उडान गर्न थालेको छ । हिमालय एअरलाइन्सले मध्यपूर्वी एसियाका गन्तव्य दोहा, दुबई÷आबुधावी र दमाममा उडान गरिरहेको छ ।

प्रकाशित मिति: शुक्रबार, असोज १०, २०७६ ११:१४

प्रतिक्रिया दिनुहोस्