नेपालमा क्रसकन्ट्री एथ्लेटिक्स च्याम्पियनसिप हुँदै

काठमाडौं- एसियन एथ्लेटिक्स एसोसियसनले आउँदो संस्करणको एसियन क्रसकन्ट्री च्याम्पियनसिपको आयोजना नेपालमा गर्ने भएको छ। 

१६औं संस्करणको च्याम्पियनसिप नेपालमा आयोजना हुने नेपाल एथ्लेटिक्स संघले आइतबार पत्रकार सम्मेलनमार्फत् जानकारी गराएको हो।

काठमाडौंको गोकर्ण फरेस्ट रिसोर्ट क्षेत्रमा फागुन २३ गते बिहीबार आयोजना हुने प्रतियोगिता एसियन एथ्लेटिक्स एसोसियसनको तत्वावधानमा हुनेछ। यो प्रतियोगितामा एसियाभरबाट ४० देशका करिब ४५० जना खेलाडीहरुको सहभागिता जनाउने संघले जानकारी दिएको छ।

प्रतियोगितामा सिनियर पुरुषमा र महिलातर्फ १० किलामिटर दौड हुनेछ। त्यस्तै, यू–२० जुनियर पुरुषतर्फ ८ किमि र २० वर्ष मुनिका जुनियर महिलातर्फ ६ किमिका पनि कूल ४ विधामा व्यक्तिगत र टिम ईभेन्टसहरुमा प्रतिस्पर्धा हुनेछ।

यस्तो च्याम्पियनपसिप नेपालमा यसअघि पनि एकपटक आयोजना भएको थियो। त्यसैले अहिले नेपालले यो प्रतियोगिता दोस्रो पटक आयोजना गर्न लागेको हो।

यसअघि सन् १९९९ मा यस प्रतियोगिता नेपालले आयोजना गरेको थियो।

च्याम्पियनसिपमा सहभागी बन्ने खेलाडीलाई संघले आगामि फागुन ९ गते छनोट गरेर बन्द प्रशिक्षणमा राख्ने जनाएको छ।