मेटलाइफ विश्वको सबैभन्दा प्रशंसित कम्पनीहरूको सूचीमा

काठमाडौं- मेटलाइफ इन्स्योरेन्सले फर्च्युन म्यागजिनद्वारा २०२२ का लागि आफ्नो कम्पनी विश्वको सबैभन्दा प्रशंसनीय कम्पनीहरूको सूचीमा परेको जनाएको छ।

सर्वोत्तम मानिएका कम्पनीहरूको वार्षिक प्रतिवेदन कार्डमा आठ जीवन बीमा कम्पनीहरू समावेश गरिएको थियो। लगानी मूल्य, व्यवस्थापनको गुणस्तर, सामाजीक उत्तरदायित्व तथा प्रतिभालाई आकर्षित गर्ने क्षमताजस्ता नौ विभिन्न कारकहरूमा बिमा उद्योगका कार्यकारीहरू, निर्देशकहरूसँग सर्वेक्षण गरी बिमा उद्योगमा सबैभन्दा बलियो प्रतिष्ठा भएका कम्पनीहरूको पहिचानका लागि फर्च्युनको कर्न फेरि नामक विश्वव्यापी संगठनात्मक परामर्शदाता कम्पनीसँग सहकार्य रहेको जनाइएको छ।

मेटलाइफका अध्यक्ष तथा प्रमुख कार्यकारी अधिकृत मिशेल खलाफले आफ्नो कम्पनी जीवन बीमा उद्योगमा सबैभन्दा प्रशंसनीय कम्पनीहरूमध्ये एक भएको बताए।