अल अहिलीलाई हराउँदै रियल मड्रिड क्लब विश्वकपको फाइनलमा

काठमाडौं- एसियाली क्लब अल अहिलीलाई हराउँदै स्पेनी क्लब रियल मड्रिड क्लब विश्वकपको फाइनलमा पुगेको छ। प्रिन्स माउले अबेडेल्लाह रंगशालामा बुधबार राति सम्पन्न भएको खेलमा जित निकाल्दै रियलले फाइनलमा स्थान बनाएको हो।

क्लब विश्वकपको गएरातिको खेलमा रियलले ४–१ को जित निकाल्दा भिनिसियस जुनियरले सुरुआति गोल गरेका थिए। उनले गरेको गोल पहिलो हाफको एकमात्र गोल थियो।

दोस्रो हाफमा रियलले तीन गोल थप्यो भने अलअहिलीले पेनाल्टीमार्फत् एक गोल फर्कायो। रियलका लागि फेडरेरिको भालभर्डे, रोड्रिगो र सर्जियो अरिबासले पनि गोल गरेका थिए।

अब फाइनलमा रियल मड्रिडले अल हिलालसँग खेल्ने भएको छ। हिलाले विश्वकपको सेमिफाइनलमा दक्षिण अमेरिकी क्लब फ्लेमिङ्गोलाई हराएको थियो। फाइनल खेल फेब्रुअरी १२ तारिखमा हुनेछ।