काठमाडौं- चेल्सीले यो वर्ष पनि खेलाडी ट्रान्सफरमा ठूलो रकम दाउमा लगाएको छ। उसले विश्वकप विजेता एन्जो फर्नान्डेसलाई कीर्तिमानी मूल्य १०७ मिलियन पाउन्डमा क्लबमा अनुबन्ध गर्ने भएको छ।
बेन्फिकाका मिडफिल्डर एन्जोलाई चेल्सीले जनवरी विन्डोमै किन्ने भएको हो। यसअघि म्यानचेस्टर सिटीले सन् २०२१ मा ज्याक ग्रिलिस किन्दा एक सय मिलियन पाउन्ड खर्च गरेको थियो। अहिले त्यो ट्सान्फरलाई छायामा पार्ने गरी चेल्सीले खेलाडी अनुबन्ध गरेको हो।
सम्झौताबारै जानकारी दिँदै पोर्चुगिज क्लब बेन्फिकाले लेखेको छ, ‘एन्जो फर्नान्डेसको सरुवाबारे कुरालाई लिएर चेल्सीसँग हामी सम्झौता भएको छ।’ यता एन्जो गएको अगस्तमा १० मिलियन पाउन्डमै अनुबन्ध भएका थिए। त्यसपछिको विश्वमा उनले निकै उत्कृष्ट प्रदर्शन गरेर विश्वकपमा उत्कृष्ट युवा खेलाडी बनेका थिए।
त्यसपछि उनको मूल्य आकाशिएको थियो। अब उनी क्लबमा अनुबन्ध भएसँगै चेल्सीले यो जनवरी विन्डोमा २८८ मिलियन पाउन्ड खर्च गरेको छ। समर विन्डोमा एकै क्लबले २९२ मिलियन पाउन्ड खर्च गरेपछिको यो निकै ठूलो खर्चका रुपमा पनि हेरिएको छ।
रसियन राष्ट्रपतिका सल्लाहकार तथा व्यवसायी रोहन एब्राहिमोबिचले छोडेपछि चेल्सीलाई टोड बेइलीले किनेका छन्। उनले चेल्सीमा ठूलो खर्च गरिरहेका छन्। उनले चेल्सीलाई पाँच दशमलव दुई बिलियन अमेरिकी डलरमा खरिद गरेका थिए।
प्रकाशित: Feb 01, 2023| 11:33 बुधबार, माघ १८, २०७९
