यस्ता छन एनटीएले इन्टरनेट सेवाप्रदायकका लागि सरकारलाई सिफारिस गरेको राहत प्याकेज

मुख्य समाचार

गृहपृष्ठ
मुख्य समाचार

यस्ता छन एनटीएले इन्टरनेट सेवाप्रदायकका लागि सरकारलाई सिफारिस गरेको राहत प्याकेज

क्यापिटल नेपालमंगलबार, भदौ २३, २०७७

काठमाडौं । नेपाल दूरसञ्चार प्राधिकरणले नेपाल सरकारसमक्ष विभिन्न राहत प्याकेजको लागि सिफारिस गरेको छ । प्राधिकरणले सेवाप्रदायकले आयात गर्ने दूरसञ्चार उपकरणमा भन्सार महशुल छुट गर्न सरकारलाई सिफारिस गरेको हो ।

त्यसैगरी, इन्टरनेट सेवाप्रदायक र नेटर्वक सर्भिस सेवाप्रदायकहरुको लागि प्राधिकरणले नेपाल राष्ट्र बैंक र अर्थ मन्त्रालयमार्फत ऋणको साँवा र ब्याज १ वर्षको लागि समय थप गर्न सिफारिस गरेको छ ।

प्राधिकरणका डेपुटी डाइरेक्टर सन्दिप अधिकारीले सेवाप्रदायकहरुले असोज मसान्तमा जम्मा गर्दै आएको दूरसञ्चार विकास कोषमा रकम तिर्ने अवधि चालु आर्थिक बर्षको अन्त्य सम्म समय थप गरेको छ ।

अधिकारीले नेटवर्क सेवाप्रदायकका लागि भने आयात गरिरहेको इन्टरनेट ब्याण्डविथ लाग्न रिभर्स भ्याटमा छुटका लागि सिफारिस भएको बताए । नेटवर्क सेवाप्रदायकले भने यो प्रकारको भ्याट ५ प्रतिशतका दरले तिर्दै आएका थिए ।

इन्टरनेट ब्याण्डविथको रकम भुक्तानीको लागि ३ महिनाको अवधि थप गरिदिनका लागि अन्तराष्ट्रिय व्याण्डविथ कम्पनीलाई प्राधिकरणले अनुरोध गर्ने भएको छ ।

प्रकाशित मिति: मंगलबार, भदौ २३, २०७७ १६:४९

प्रतिक्रिया दिनुहोस्