यू १९ विश्वकप छनोट खेल्ने नेपाली टिमको घोषणा

काठमाडौं- अर्को महिनामा यूएईमा हुने यू१९ विश्वकपको छनोट खेल्ने नेपाली टिमको घोषणा भएको छ। नेपाल क्रिकेट संघ क्यानले आइतबार साँझ विश्वकप छनोट खेल्ने नेपाली टिमको घाषणा गरेको हो।

अघिल्लो पटक यू १९ खेलेको देव खलाना पनि यो पटकका विश्वकप छनोट खेल्ने टिममा परेका  छन्। उनले नेपाली सिनियर टिमबाट पनि खेलिसकेका छन्। त्यस्तै, सिनियर टिमबाट खेलिसकेका अर्का युवा खेलाडी गुल्सन झा पनि यू १९ टिममा परेका छन्।

उनीहरूसँगै अर्जुन कुमाल, दिपेश कँडेल, विशाल विक्रम केशीका साथै दुर्गेश गुप्ताले यसअघिको यू१९ अन्तर्गतका खेल खेलिसकेका छन्। क्यानले सर्वजनिक गरेको १४ सदस्यमध्ये बाँकी खेलाडी भने नयाँ हुन्। नयाँ खेलाडीहरुमा आकाश त्रिपाठी, दिपक बोहरा, उत्तम थापामगर, दिपक डुम्रे, हेमन्ध धामी, सुवास भण्डारी, दिपक बोहरा, दीपक बोहरा मिलन बोहरा रहेका छन्।

क्यानले सुरुआति बन्द प्रशिक्षणमा २८ खेलाडी बेलाएको थियो। ति खेलाडीबाट उसले १४ खेलाडी छनोट गरेको हो। छनोट प्रतियोगिता आउँदो फेब्रुअरीको अन्तिमबाट यूएईमा हुने आईसीसी तय गरेको छ। यो छनोटमा नेपालसँगै हङकङ, कुवेत, मलेसिया र सिंगापुले प्रतिस्पर्धा गर्नेछन्। प्रतियोगिताको विजेताले सन् २०२४ मा हुने यू १९ विश्वकप खेल्नेछ।