रियलको जितमा बेञ्जिमाको, बार्सिलोनाको जितमा पेड्रीको निर्णायक गोल

काठमाडौं- स्पेनीस ला लिगाअन्तर्गत आइतबार रातिको खेलमा रियल मड्रिड र बार्सिलोनाले जित निकालेका छन्। 

एथ्लेटिक क्लबको घरेलु मैदानमा सम्पन्न खेलमा रियल मड्रिडले २-० को जित निकालेको हो। रियलका लागि करिम बेञ्जिमा र टोनी क्रुसले समान १-१ गोल गरेका थिए।

त्यस्तै, ला लिगाकै अर्को खेलमा बार्सिलोनो गेटाफेलाई १-० ले हराएको छ। खेलको ३५औं मिनेटमा पेड्रिले गोल गरेपछि बार्सिलोनाले अग्रता बनाएको थियो। सोहि अग्रता जोगाउँदै उसले जित निकालेको हो।

यो जितपछि बार्सिलोना ४४ अंकका साथ शीर्षस्थानमा छ भने ४१ अंक बनाएको रियल दोस्रो स्थानमा छ।