विश्वकप उपाधि जित्ने विषयमा आशावादी छौं : स्केलोनी

काठमाडौं- कतारमा जारी फिफा विश्वकपअन्तर्गत आज आइतबार राति अर्जेन्टिना र फ्रान्स उपाधिका लागि भिड्दै छन्। फाइनललाई लिएर अर्जेन्टाइन प्रशिक्षक लियोनेल स्केलोनी आफ्नो टिमले उपाधि जित्नेमा आशावादी  रहेको  बताएका छन्।

मिडियासँग कुरा गर्दै उनले भने, ‘हामी फाइनललाई लिएर धेरै उत्साहित छौं।त्यस्तै हामी उपाधि जित्ने विषयमा धेरै आशावादी पनि छौं। टिम लयमा छ साथै कप्तान लियोनेल मेस्सी पनि उच्च लयमा छन्। टिमको उच्च प्रदर्शनिमा हामी उपाधि जित्न चाहान्छौं। टिमले राम्रो तयारी गरिरहेको छ। हामी फाइनलका लागी तयार छौं।’