विश्वरामले जिते बंगलादेशमा रजत

काठमाडौं – नेपाली खेलाडी विश्वरामले बंगलादेशमा जारी एथ्लेटिक्स प्रतियोगितामा रजत पदक जितेका छन्। 

‘मित्रराष्ट्र बंगलादेशको ढाकामा संचालन भइरहेको पाँचौँ अन्तर्राष्ट्रिय आमन्त्रण बिकेपिएस एथ्लेटिक्स च्याम्पियनसिप २०२२ मा नेपालका विश्वराम कुँवरले रजत पदक जितेका छन्,’ नेपाल एथ्लेटिक्स परिवारका अध्यक्ष राजन खत्रीले फेसबुकबाट जानकारी दिएका छन्।

च्याम्पियनसिपमा सहभागी बन्नका लागि केहि दिन अघि नेपालीटिम बंगलादेश पुृगेको थियो। त्यहाँ पुगेका खेलाडीमध्ये एक हजार ५०० मिटरमा सहभागी बनेका विश्वरामले चार मिनेट ३० सेकेन्ड १५ मिलिसेकेन्डमा दौड पूरा गर्दै रजत पदक जितेका हुन्।

त्यस्तै, च्याम्पियनसिपमा नेपालकी सीमा श्रेष्ठले मंगलबारकास्य पदक जितेकी थिइन्। ढाकामा मंगलबार महिला हाइजम्पमा १ दशमलव ३२ मिटर उचाइ जम्प गर्दै सीमाले कास्य पदक जितेका हुन्। प्रतिस्पर्धामा बंगलादेशकी तस्मिया होसेनले १ दशमलव ४७ मिटर जम्प गर्दै स्वर्ण जितेकी थिइन्।