इङगल्यान्डलाई रोक्यो अमेरिकाले

काठमाडौं- कतारमा जारी फिफा विश्वकप फुटबलमा बलियो टोली इंग्ल्यान्डले अमेरिकासँग गोलरहित बराबरी खेलेको छ। शुक्रबार राति अल बायत रंगशालमा भएको खेलमा दुवै टोलिले राम्रो अवसर खेर फालेका थिए। 

इङगल्यान्डविरुद्ध उत्कृष्ट प्रदर्शन गरेको अमेरिकाले धेरै गोल गर्ने मौका खेर फालेको थियो। यो बरारीसँगै अमेरिकालले लगातार दोस्रो खेल बराबरी खेलेको छ। साथै उसको अन्तिम १६ मा पुग्ने सम्भावना अझै पनि कायमै छ। पहिलो खेलमा अमेरिकाले वेल्ससँग १-१ गोलको बराबरी खेलेको थियो।

उता पहिलो खेल जितेको इङगल्यान्डले पहिलो खेलमा जस्तो प्रदर्शन गर्न सकेन्। यो बराबरीसँगै इङगल्यान्डको चार अंक भएको छ र अन्तिम १६ मा लगभग निश्चित जस्तै बनेको छ।