विश्वकपमा स्पेनको शानदार जित

काठमाडौं- कतारमा जारि फिफा विश्वकपमा उपाधि दाबेदारी टिम स्पेनले शानदार जितसहित प्रतियोगिताको सुरुवात गरेको छ।

समूह इ मा रहेको स्पेनले अमेरिकी टिम कोष्टारिकालाई अल थुमाना रंगशालामा ७-० को फराकिलो गोल अन्तरले हराएको छ। ८५ प्रतिशत बल आफ्नो पक्षमा राखेको स्पेनले टिकीटाका शैली करिब एक हजार पास खेलेको थियो। 

खेलमा स्पेनका लागी फेरान टोरेसले दुई, अल्भारो मोराटा, सोलेर,गाभी, ओल्मो र एसेन्सियोले समान एक/एक गोल गरे। समूह इ मा रहेको स्पेनसंगै बलियो टोलि जर्मनी र जापान पनि रहेका छन्। स्पेनले अर्को खेलमा निकट प्रतिद्वन्धी जर्मनी विरुद्ध खेल्नेछ।