४ सय मिटर हडल्स थारुलाई र ज्याभलिन थ्रो मा चौधरीलाई स्वर्ण

पोखरा- ४ सय मिटर हडल्समा त्रिभुवन आर्मीका रामप्रसाद थारुले स्वर्ण पदक जितेका छन्। थारुले ४ सय मिटर ५३.५३ सेकेन्डमा पूरा गर्दै स्वर्ण पदक र आर्मीकै जीवन चौधरीले ५३.८९ सेकेन्डमा पूरा गर्दै रजत पदक जित्न सफल भएका हुन्।

एपीएफका तिरप्रताप महत्तोले ५३.९२ सेकेन्डमा पार गर्दै कास्य पदक जिते। ट्राक एन्ड फिल्डतर्फको विधामा आजै भएको खेलमा पुरुष ज्याभ्लिन थ्रोमा त्रिभुवन आर्मी क्लबका रोहित चौधरीले स्वर्ण पदक जितेको छन्। 

उनले बुधबार बिहान पोखरा रंगशालामा ६४.२५ मिटर थ्रो गर्दै स्वर्ण पदक जितेका हुन्। एपीएफका रमेश पोखरेल र मनोज डगौंराले क्रमशः रजत र कास्य पदक जिते। पोखरेलले ५५.४३ र डगौंराले ५३.३९ मिटर थ्रो गरे।