आर्मीले जित्यो सेपाकताक्रो महिला-पुरुष डबलको दुवै स्वर्ण

नवलपुर- पूर्वी नवलपरासीको कावासोतीमा सञ्चालन भइरहेको नवौं राष्ट्रिय खेलकुदअन्तर्गत सेपाकताक्रो पुरुष र महिला डबलतर्फका दुवै स्वर्ण पदक आर्मीले हात पारेको छ।

पुरुषतर्फको डबलमा विभागीय टिम आर्मीले प्रदेश १ लाई २-० को सोझो सेटमा हराउँदै स्वर्ण हात पारेको हो।

आर्मीका लागि पुरुष डबलतर्फ अनिल जर्घा मगर, रोशन तामाङ र दीपेश जंग थापाले स्वर्ण दिलाए। पुरुषतर्फ रजत पदक प्रदेश नम्बर १ र कास्य पदक पदक बागमतीले हात पारेका छन्।

महिला डबलतर्फ पनि आर्मीले बागमती प्रदेशलाई २-० को सोझो सेटमा हराउँदै स्वर्ण हात पारेको छ। महिलातर्फको डबलमा विभागीय टिम आर्मीले बागमती प्रदेशलाई २-० को सोझो सेटमा हराउँदै स्वर्ण हात पारेको हो।

आर्मीका लागि महिला डबलतर्फ चन्दा चौधरी, सुमिना डंगोल र सोममाया थापाले स्वर्ण  दिलाए। महिलातर्फ बागमतीलाई रजत र गण्डकीले कास्य पदक हात पारेका छन्।

महिला र पुरुषका फरक-फरक ३ विधामा प्रतियोगिता हुने सेपाकताक्रो खेलमा प्रदेश नम्बर १, बागमती, गण्डकी, लुम्बिनी, कर्णाली, सुदूरपश्चिम र नेपाली सेनाका ९८ खेलाडीले भाग लिएका छन्।