नवौं राष्ट्रिय खेलकुदमा मधेश प्रदेशले गर्‍यो विजयी सुरुआत

काठमाडौं- नवौं राष्ट्रिय खेलकुदअन्तर्गत महिला क्रिकेटको पहिलो खेलमा मधेश प्रदेशले जित निकालेको छ। पोखराको क्रिकेट रंगशालामा सम्पन्न उद्घाटन खेलमा मधेश प्रदेशले विजयी सुरुआत गरेको हो।

उसले आयोजक गण्डकीलाई ४० रनले हराएको हो। टस हारेर ब्याटिङको निम्तो पाएको मधेशले पुरा ओभर खेल्दै आठ विकेटको क्षतिमा ७७ रन बनाएको थियो।

जवाफामा गण्डकीले १९ ओभरमा सम्पूर्ण विकेट गुमाएर ३७ रन मात्र बनाउन सक्यो। गण्डकीकी शिला क्षेत्रीले सर्वाधिक १० रन बनाइन्। त्यतिबेला मधेशकी अनुराधा चौधरीले सर्वाधिक चार विकेट लिइन् भने शान्ति चौधरी र कविता गौतमले समान २-२ विकेट गिराए।

यता मधेशका सरस्वति कुमारीले १४ अविजित १५ रन बनाउँदा साना प्रविन र एलिशा यादवले समान १४-१४ रन बनाए। गण्डकीका आकृति तिवारी, कुशुम गोदर, शृष्टि जैशी र शिला क्षेत्रीले क्रमशः ३, २, १ र १ विकेट लिए। यो जितसँगै मधेशले दुई अंक जोडेको छ।