अल्मुताइरीको राजीनामा स्वीकृत

काठमाडौं- अखिल नेपाल फुटबल संघ (एन्फा)ले राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीको राजीनामा स्वीकृत गरेको छ।

असोज १० गते बसेको एन्फा कार्यसमिति बैठकले अल्मुताइरीको राजीनामा स्वीकृत गरेको हो।

अल्मुताइरीले केही साताअघि एन्फामा राजीनामा बुझाएका थिए। बंगलादेशसँगको खेलका लागि एन्फाले प्रदीप हुमागाईंलाई कार्यवाहक मुख्य प्रशिक्षक नियुक्त गरेको थियो।

मंगलबार बंगलादेशसँगको मैत्रीपूर्ण खेलसँगै हुमागाईंको कार्यकाल पनि सकिएको छ। नेपालले उक्त खेल ३-१ ले जितेको थियो।