साफ च्याम्पियनसिप : पाकिस्तान र बंगलादेश खेल्दै, माल्दिभ्स र भारतको भिडन्त

काठमाडौं- काठमाडौंमा जारी साफ च्याम्पियनसिपमा आज दुई खेल हुँदैछन्। त्रिपुरेश्वरस्थित दशरथ रंगशालामा आयोजित प्रतियोगिता पहिलो खेलमा आज पाकिस्तानले बंगलादेशको सामना गर्न लागेको हो।

शनिबार दिउँसो १ बजे हुने खेलमा पाकिस्तान र बंगलादेशले खेल्नेछन्। च्याम्पियनसिपको आफ्नो पहिलो खेलमा पाकिस्तानले भारतसँग हार बेहोरिसकेको छ।

यता  बंगलादेशले चाहिँ माल्दिभ्सविरुद्ध जित निकालेको थियो। त्यसैले आज बंगलादेश जित निकाल्दै सेमिफाइनलमा पुग्न चाहन्छ। यता आठ वर्षपछि च्याम्पियनसिपमा फर्किएको पाकिस्तान पहिलो जितको खोजीमा हुनेछ।

आजै साढे ५ बजेबाट सुरु हुने खेलमा भने माल्दिभ्सले भारतको सामना गर्नेछ। भारतले पहिलो खेलमा पाकिस्तानलाई हराएको हो भने माल्दिभ्सले चाहिँ बंगलादेशसँग हार बेहोरेको थियो।

प्रतियोगिताको कमजोर टिम मानिएको माल्दिभ्स यो वर्ष सहभागितामै समिति हुने देखिएको छ। तर, उपाधि लक्ष्यका साथ नेपाल आएको भारत भने सहजै सेमिफाइनलमा स्थान बनाउन चाहन्छ।