काठमाडौंका सडकमा साझाका बिजुली बस [तस्बिरहरु]

काठमाडौं– साझा यातायातले बिहीबारदेखि काठमाडौंमा तीन वटा बिजुली बस चलाउन थालेको छ। पहिलो चरणमा ल्याइएका बिजुली बसले नियमित सेवा दिँदै आएका रुटमा सेवा सुरु गरेको साझा यातायातले बताएको हो।

साझा यातायातको पुल्चोकस्थित कार्यालयबाट बिजुली बसले औपचारिक सेवा सुरु गरेको कम्पनीका संस्थापक अध्यक्ष विश्वबन्धु थापाले जानकारी दिए।

साझाका बिजुली बसमा महिला चालक र सह–चालक रहनेछन्। चीनको नानजिंगस्थित सीएचटीसीएचओ कम्पनीका विद्युतीय बस कारखानामा साझाका बस तयार भएका हुन्।साझा यातायातले बिहीबारदेखि तिन वटा नयाँ बिजुली बस सञ्चालनमा ल्याएको छ।