गगन थापाले भने- पुस्तकालय बनाउन ६० लाख दिन्छु भन्ने साथी हराउनु भो

पूर्वाधार

गृहपृष्ठ
पूर्वाधार

गगन थापाले भने- पुस्तकालय बनाउन ६० लाख दिन्छु भन्ने साथी हराउनु भो

क्यापिटल नेपाल सोमबार, साउन ५, २०८२

काठमाडौं। नेपाली कांग्रेसका महामन्त्री गगन थापाले आफूसँग पुस्तकालय बनाउन ६० लाख दिन्छु भनेको साथी हराएको बताएका छन्।

सानेपास्थित पार्टी केन्द्रीय कार्यालयमा पार्टीको पुस्तकालय तथा पार्टी अध्ययन स्रोत केन्द्र विभागद्वारा आयोजित सम्मान कार्यक्रममा सम्बोधन गर्दै महामन्त्री थापाले आर्थिक सहयोग गर्ने भनेका साथी हराएको बताएका हुन्।

उनले भने, ‘त्यो ६० लाख दिन्छु भनेर त्यो साथीले नभनेको भए मैले लाइब्रेरी बनाउँछु भन्ने सोचेर त्यो प्रस्ताव सभापतिकोमा लैजान सक्दैन थिएँ। ६० लाख दिन्छु भनेर मेरो हिम्मत बढाउनुभयो। त्यो दिनदेखि फर्केर आउनुभएन।’

महामन्त्री थापाले आर्थिक सहयोग गर्ने भनिएका साथीको नाम गोप्य राखेका छन्। उनले पार्टी कार्यालयमा पुस्तकालय बनाउन खडा गरिएको कोषमा सभापति शेरबहादुर देउवाले एक लाख रुपैयाँ राखेको बताए।

प्रकाशित मिति: सोमबार, साउन ५, २०८२ १८:११

प्रतिक्रिया दिनुहोस्