पतञ्जली जग्गा प्रकरणः तीन न्यायाधीशको इजलासमा बयान दिँदै माधव नेपाल

राजनीति

गृहपृष्ठ
राजनीति

पतञ्जली जग्गा प्रकरणः तीन न्यायाधीशको इजलासमा बयान दिँदै माधव नेपाल

क्यापिटल नेपाल बुधबार, असार ११, २०८२

तस्बिर, नेपाल फाेटाे लाइब्रेरी

काठमाडौं। अख्तियार दुरुपयोग अनुसन्धान आयोगले पतञ्जली जग्गा प्रकरणमा भ्रष्टाचारको मुद्दा लगाएपछि विशेष अदालतमा उपस्थित भएका पूर्वप्रधानमन्त्री माधव नेपालसँग तीन जना न्यायाधीशले सोधपुछ गर्दै छन्।

नेता नेपालको बयानका लागिग न्यायाधीशत्रय तेजनारायण सिंह राई, रामबहादुर थापा र विदुर कोइरालाको इजलास तोकिएको हो।

नेता नेपालले अदालतमा बयान दिन पाउँ भन्दै मंगलबार निवेदन दिएपछि आज बोलाइएको हो। नेता नेपाल आफ्ना वकिलसँगै बिहान पौने ११ बजे अदालत पुगेका छन्।

नेता नेपालको बयान सकिएपछि थुनछेक बहस हुनेछ।

प्रधानमन्त्री भएका बेला पतञ्जली आयुर्वेद तथा योगपीठ नेपाललाई जग्गा खरिद गर्दा हदबन्दी छुट दिँदा भ्रष्टाचार भएको दाबीसहित अख्तियारले नेता नेपाललगायत ९३ जनाविरुद्ध गत जेठ २२ मा मुद्दा दायर गरेको थियो।

प्रकाशित मिति: बुधबार, असार ११, २०८२ ११:२५

प्रतिक्रिया दिनुहोस्