जलवायु परिवर्तनको असर न्यूनीकरण गर्न चेम्बर र युएनडीपीबी सहकार्यको समझदारी

कर्पोरेट बजार

गृहपृष्ठ
कर्पोरेट बजार

जलवायु परिवर्तनको असर न्यूनीकरण गर्न चेम्बर र युएनडीपीबी सहकार्यको समझदारी

क्यापिटल नेपालबिहीबार, वैशाख २५, २०८२

काठमाडौं। नेपाल चेम्बर अफ कमर्स र संयुक्त राष्ट्र संघीय विकास कार्यक्रम (युएनडीपी)बीच जलवायु परिवर्तनले व्यवसायमा पार्ने असर र यसको न्यूनीकरणका लागि सहकार्यको समझदारी भएको छ।

काठमाडौंको जमलस्थित चेम्बर भवनमा आयोजित छलफल कार्यक्रममा चेम्बरका अध्यक्ष कमलेश कुमार अग्रवाल र युएनडीपीका आवासीय प्रतिनिधि क्योको योकोशुकाबीच जलवायु परिवर्तनले व्यवसायमा पार्ने असर र यसको न्यूनीकरणका लागि सहकार्य गर्ने विषयमा समझदारी भएको हो।

यस अवसरमा चेम्बर अध्यक्ष अग्रवालले हरित अर्थतन्त्रको विकासमा टेवा पुग्ने गरी व्यवसायिक निरन्तर योजना कार्यन्व्यनका लागि पहल गरिने बताए। ‘जलवायु परिवर्तनका कारण व्यवसायमा पर्ने असरको अध्ययन र सोसँग सम्बन्धित नीतिको तर्जुमा गर्न तीनै तहको सरकासँग पहल गर्न आवश्यक छ,’ उनले भने।

अध्यक्ष अग्रवालले साना तथा मझौला उद्योगमा विपदको असरको अध्ययन गर्नुपर्ने र यसको न्यूनीकरणका लागि बीमालगायतका व्यवस्थामा सचेतना जगाउनुपर्ने बताए।

युएनडीपीका आवासीय प्रतिनिधि क्योको योकोशुकुले निजी क्षेत्रको संलग्नतामा स्थायी प्रकृतिको विपद प्रतिकार्य कोष स्थापना गर्नुपर्ने बताइन्। जलवायु परिवर्तनले औद्योगिक र व्यवसायिक क्षेत्रमा परेको असर न्यूनीकरणका लागि निजी क्षेत्रले अग्रणी भूमिका खेल्दा प्रभावकारी हुने उनको भनाइ छ।

नेपाल चेम्बर र युएनडीपीले काभ्रेको नमोबुद्ध र रोशी गाउँपालिकामा गत असोज दोस्रो साता आएको बाढी पहिरो प्रभावित क्षेत्रमा पुर्ननिर्माण र जिविकोपार्जनबारे सहकार्य गरेका थिए।

प्रकाशित मिति: बिहीबार, वैशाख २५, २०८२ १५:३६

प्रतिक्रिया दिनुहोस्