वैशाख २६ गतेदेखि केई एक्सचेञ्ज कार्निभल, ईभीका यी मोडल साट्न सकिने

अटो

गृहपृष्ठ
अटो

वैशाख २६ गतेदेखि केई एक्सचेञ्ज कार्निभल, ईभीका यी मोडल साट्न सकिने

क्यापिटल नेपाल आइतबार, वैशाख २१, २०८२

काठमाडौं। केई ईभीको लागि ‘केई एक्सचेञ्ज कार्निभल २०८२’ आयोजना हुने भएको छ। नेपालका लागि केई गाडीको आधिकारिक बिक्रेता जीओ अटोमोबाइल्स र लक्ष्मी ई–मोबिलिटीले संयुक्त रुपमा ‘केई एक्सचेन्ज कार्निभल २०८२’ आयोजना गर्ने भएका हुन्।

काठमाडौंको थापाथलीस्थित केई र हुन्डाईको शोरुममा आगामी वैशाख २६ देखि २८ गतेसम्म उक्त कार्निभल हुने भएको छ। सो कार्निभलमा पुराना गाडीसँग ईक्युट२, ईक्युट४ र एक्स३ प्रो गरी केई ईभीका तीन मोडल विशेष अफरका साथ साट्न सकिने छ।

ग्राहकले पुराना कुनै पनि ब्रान्डका गाडीको तत्कालै भ्यालुएसनका साथै बेस्ट रिसेल भ्याल्यु पाउने छन्। हरेक एक्सचेन्जमा आकर्षक नगद छुटका साथै प्रत्येक भ्यालुएसन वापत जोडीका लागि क्युएफएक्समा मुभी टिकटसमेत प्राप्त गर्ने कम्पनीले जनाएको छ।