सूचना प्रविधि क्षेत्रको विकासका लागि पूर्वाधार अभाव:मन्त्री गुरुङ

प्रविधि

गृहपृष्ठ
प्रविधि

सूचना प्रविधि क्षेत्रको विकासका लागि पूर्वाधार अभाव:मन्त्री गुरुङ

क्यापिटल नेपालशुक्रबार, वैशाख १९, २०८२

काठमाडौं। सञ्चार तथा सूचना प्रविधिमन्त्री पृथ्वीसुब्बा गुरुङले सूचना प्रविधि क्षेत्रको विकासका लागि पूर्वाधार अभाव भएको बताएका छन्। मन्त्रालयद्वारा आज यहाँ आयोजित ‘राष्ट्रिय सूचना सञ्चार प्रविधि दिवस–२०८२ (नेशनल आइसिटी डे)’ कार्यक्रममा उनले सूचना प्रविधि मुलुकको सुशासन प्रवर्द्धन, समृद्धि र विकासको मूल आधार भएकाले यस क्षेत्रमा पर्याप्त लगानी आवश्यक रहेको बताए।

सूचना प्रविधिलाई चुस्त बनाउन मन्त्रालयले समय सापेक्ष कानुन, पूर्वाधार निर्माण र दक्षजनशक्ति वृद्धिमा जोड दिएको मन्त्री गुरुङले जानकारी दिए।

उनका अनुसार जसरी खेलकुद क्षेत्रको विकासका लागि खेल मैदान आवश्यक पर्छ त्यसैगरी आइटी विकास गर्न पूर्वाधार अनिवार्य निर्माण गर्नुपर्छ। उनले भने, “कम्तीमा आइटी पार्क नभइ नहुने देखिन्छ। हामी बनाउने योजनामा छौँ।”

मन्त्री गुरुङले विगतका कानुन हटाएर नयाँ नीति तथा कानुन तर्जुमा गर्ने, एकीकृत कार्यालय व्यवस्थापन प्रणालीलाई स्थानीय तह, प्रदेश र सङ्घीय सरकारी कार्यालयमा पूर्णरुपमा लागू गर्ने, दूरसञ्चारलाई समयानुकूल बनाउन ऐन ल्याउने, फोरजी सेवा देशभर पु¥याउने र फाइभजी नेटर्वकलाई सुरुवात गर्ने, डाटा सेन्टर व्यवस्थित गर्ने, आर्टिफिसियल इन्टेलिजेन्ससम्बन्धी नीति ल्याउने, जिआइडिसीको सबलीकरण र आधुनिकीरण गरी थप डेटा सेन्टर स्थापना गर्नेलगायत गतिविधिमा मन्त्रालयले काम गर्दै आएको जानकारी दिए।

प्रकाशित मिति: शुक्रबार, वैशाख १९, २०८२ १९:३२

प्रतिक्रिया दिनुहोस्