सात माहिनामै १३ अर्बका मोबाइल आयात

मुख्य समाचार

गृहपृष्ठ
मुख्य समाचार

सात माहिनामै १३ अर्बका मोबाइल आयात

क्यापिटल नेपालमंगलबार, फागुन १३, २०७६

काठमाडौं । चालू आर्थिक बर्षको सात महिनामा १३ अर्ब बराबरको मोबाइल आयात भएको छ । यो अवधिमा व्यवसायीले ३३ लाख ३५ हजार ७ सय सेट मोबाइल नेपालमा भित्र्याएका हुन् । गत बर्षको सोहि अवधिमा ११ अर्ब १२ करोड बराबरको मोबाइल आयात भएको थियो । गत बर्षको तुलनामा यो बर्षको ७ महिनमा मोबाइल आयात दुई अर्बले बढेको हो ।

भन्सार विभागको तथ्याङ्क अनुसार सात महिनाको अवधिमा २९ देशबाट मोबाइल भित्रिएका छन् । बढी मोबाइल नेपाल आयात गर्नेमा चीन, भारत र भियतनाम रहेका छन् । चीनबाट मात्र नेपालमा झन्डै सात अर्ब बराबरको २६ लाख सेट मोबाइल आयात भएको छ ।

त्यस्तै भारतबाट ५ अर्ब ३२ करोड र भियतनामबाट ७४ करोड बराबरको मोबाइल नेपाल भित्रिएका छन् । यी देश बाहेक हङ्कङ, जापान, कोरिया, मलेसिया लगाएतका देशबाट समान्य रुपमा मोवाइल सेट नेपाल आयात भएका छन् ।