मापदण्ड विपरीतका सवारीसाधन रोक्छौंः मन्त्री दाहाल

अटो

गृहपृष्ठ
अटो

मापदण्ड विपरीतका सवारीसाधन रोक्छौंः मन्त्री दाहाल

क्यापिटल नेपाल सोमबार, चैत २५, २०८१

काठमाडौं। भौतिक पूर्वाधार तथा यातायातमन्त्री देवेन्द्र दाहालले गृहमन्त्रालयसँग समन्वय गरी मापदण्ड विपरीतका सवारीसाधन सञ्चालनमा रोक लगाइने बताएका छन्। आज मन्त्रालयमा यातायात व्यवसायी तथा मजदुरहरुसँगको छलफलमा उनले यस्तो बताएका हुन्।

नियम विपरीत सञ्चालन भइरहेका सवारी साधन सञ्चालनमा रोक लगाउन सडक तथा यातायात विभागले मात्र सम्भव नहुने भएकाले गृहमन्त्रालयसँग समेत समन्वय गरिने उनको भनाइ छ।

यसैगगरी, निर्माणस्थलहरुमा सवारीसाधन अवरोध हुन नदिन वैकल्पिक रुट तथा डाईभर्सनको व्यवस्थापनलाई प्राथमिकता दिइने उनले बताए। काठमाडौं र पूर्वी नेपाललाई जोड्ने बीपी राजमार्ग मर्मतलाई तिव्रता दिइएको उल्लेख गर्दै उनले वैकल्पिक सडकको रुपमा उपयोग हुने कान्ति लोकपथ मर्मतलाई समेत प्राथमिकताका साथअघि बढाइएको उनको दाबी छ।

यस्तै मन्त्रालयका सचिव केशवकुमार शर्माले यातायात सञ्चालनलाई व्यवस्थित बनाउन गृहमन्त्रालय, ट्राफिक प्रहरीलगायतका निकाय तथा संघीय सरकारहरुसँग थप समन्वय गरिने बताए। दाउन्ने सडक खण्डमा भइरहेको निर्माण कार्यका कारण सवारीसाधन तथा यात्रुहरुलाई परेको समस्याप्रति मन्त्रालय गम्भिर रहेको भन्दै उनले मालवाहक तथा यात्रुवाहक गाडीलाई उपयुक्त समय मिलाएर पास हुने व्यवस्था मिलाइएको उल्लेख गरे।

प्रकाशित मिति: सोमबार, चैत २५, २०८१ १५:१७

प्रतिक्रिया दिनुहोस्