अबबाट सेयर कारोबारमा अन्तिम १५ मिनेटको औसत मूल्य कायम हुने, सेबोनको स्वीकृति

सेयर

गृहपृष्ठ
सेयर

अबबाट सेयर कारोबारमा अन्तिम १५ मिनेटको औसत मूल्य कायम हुने, सेबोनको स्वीकृति

क्यापिटल नेपालमंगलबार, फागुन २०, २०८१

काठमाडौं। नेपाल धितोपत्र बोर्ड (सेबोन) ले पूँजीबजारमा कारोबारको अन्तिम १५ मिनेटको भारित औसत मूल्यलाई अन्तिम मूल्यका रूपमा मान्ने नितिलाई स्वीकृति दिएको छ। नेपाल स्टक एक्सचेञ्जले तयार गरेर पठाएको प्रस्तावलाई बोर्डले स्वीकृति दिएको हो।

सेबोनका प्रवक्ता निरन्जय घिमिरेले उक्त प्रस्तावलाई स्वीकृति दिएर पठाएको जानकारी दिए। `हामीले सेयर कारोबारको अन्तिम १५ मिनेटको भारित औसत मूल्यलाई अन्तिम मूल्यका रूपमा मान्ने नितिलाई स्वीकृति दिएर पठाइसकेका छौ,´ घिमिरेले क्यापिटल नेपालसङ्ग भने, `अब यसलाई नेप्सेले कार्यान्वयनमा लगेर जानेछ।´

यसअघि नेप्सेले अन्तिम कारोबार मूल्य तय गर्नका लागि अनुमति धितोपत्र बोर्डले स्वीकृत गरेको छ। यस अघि नेप्सेले कारोबारको अन्तिम १५ मिनेटको भारित औसत मूल्यलाई अन्तिम मूल्यका रूपमा मान्ने प्रस्ताव बोर्डमा लगेको थियोे। धितोपत्र बोर्डले स्वीकृत गरे सँगै अब नेप्सेले यसलाई कार्यनयनमा लग्नेछ।

यो व्यवस्था लागू भएमा नेप्सेले अन्तिम १५ मिनेटको कारोबारको भारित औसत मूल्यको आधारमा अन्तिम मूल्य तय गर्ने छ। अब दुई बजेर ४५ मिनेट देखि तीन बजेसम्म हुने कारोबार मूल्यहरूको भारित औसत मूल्य नै भोलिपल्टको पहिलो कारोबार मूल्य हुने छ। जसको २ प्रतिशत तल वा माथि लगानीकर्ताले आदेश दाखिला गर्न सक्ने छन्।

प्रकाशित मिति: मंगलबार, फागुन २०, २०८१ १७:४७

प्रतिक्रिया दिनुहोस्