नेपाल एलपी ग्यास उद्योग संघद्वारा आन्दोलनको घोषणा

उद्योग

गृहपृष्ठ
उद्योग

नेपाल एलपी ग्यास उद्योग संघद्वारा आन्दोलनको घोषणा

क्यापिटल नेपालबिहीबार, माघ २४, २०८१

काठमाडौं। नेपाल एलपी ग्यास उद्योग संघले १९ बुँदे माग राख्दै आन्दोलनको घोषणा गरेको छ। संघले आज ललितपुरमा पत्रकार सम्मेलन गर्दै आन्दोलनको घोषणा गरेको हो।

संघका अध्यक्ष शिव घिमिरेले माग सम्बोधन नभए फागुन १८ गतेदेखि नेपालका ५९ उद्योग अनिश्चित कालीन बन्द गरिने जानकारी दिए। नेपालमा विस्फोटक ऐन कानुन र नियमन निकाय नहुँदा भारतको ऐन नियमअनुसार भारतबाटै इजाजत लिई उद्योग सञ्चालन गर्नुपरेको उद्योगीको भनाइ थियो।

फागुन २२ गतेदेखि देशभरका ग्यास विक्रेता डिपोले सम्पूर्ण सेवा बन्द गर्ने भएको छ। एलपी ग्यास दुर्घटना रोक्न, कमसल पाइप तथा रेगुलेटर प्रयोगमा कडाइ गर्न र सुरक्षासम्बन्धी नियम पालना गराउन कानुनी व्यवस्था लागू गरिनुपर्ने व्यवसायीको माग छ।

विगत ६ वर्षदेखि डिलर कमिसन, ढुवानी, ओभरहेड खर्च वृद्धि नभएकाले तत्कालै वृद्धि हुनुपर्ने र हरेक वर्ष मुद्रास्फिती दरअनुसार समायोजन गर्ने व्यवस्था गर्नुपर्ने माग राखिएको छ।

प्रकाशित मिति: बिहीबार, माघ २४, २०८१ १८:०४

प्रतिक्रिया दिनुहोस्