औद्योगिक तथा लगानी प्रवर्द्धन कोष सञ्चालन कार्यविधि सार्वजनिक, प्राथमिकतामा रुग्ण उद्योग पुनरुत्थान

उद्योग

गृहपृष्ठ
उद्योग

औद्योगिक तथा लगानी प्रवर्द्धन कोष सञ्चालन कार्यविधि सार्वजनिक, प्राथमिकतामा रुग्ण उद्योग पुनरुत्थान

क्यापिटल नेपालशनिबार, पुस ६, २०८१

काठमाडौं। सरकारले रुग्ण उद्योग पुनरुत्थान, पुनर्निर्माण तथा व्यवस्थापन एवं महिला उद्यमशीलता विकासलाई प्राथमिकतामा राखेर औद्योगिक तथा लगानी प्रवर्द्धन कोष सञ्चालन तथा व्यवस्थापन कार्यविधि, २०८१ सार्वजनिक गरेको छ।

उद्योग, वाणिज्य तथा आपूर्ति मन्त्रालयले मुलुकको औद्योगिक विकासका लागि कोषको रकम उपयोग गर्न सकिने व्यवस्थासहित लघु, घरेलु तथा साना उद्योग विकास र औद्योगिक प्रवर्द्धनमा सघाउ पुर्याउन औद्योगिक तथा लगानी प्रवर्द्धन कोष सञ्चालन तथा व्यवस्थापन कार्यविधि, २०८१ सार्वजनिक गरिएको जानकारी दिएको हो।

कार्यविधि औद्योगिक व्यवसाय ऐन, २०७६ को दफा ५१ बमोजिम औद्योगिक लगानी प्रवर्द्धन कोषको रकम उपयोगका लागि प्रक्रियागत व्यवस्था गर्न औद्योगिक व्यवसाय ऐनले दिएको अधिकार प्रयोग गरी निर्माण गरिएको मन्त्रालयको भनाइ छ।

कार्यविधि पारित भएसँगै रुग्ण उद्योग पुनरुत्थान, पुनर्निर्माण तथा व्यवस्थापन एवं महिला उद्यमशीलता विकासलगायत कार्य सञ्चालनका लागि सम्बन्धित केन्द्र तथा विभागले सञ्चालन गर्न सक्नेछन्। अनुदान उपलब्ध गराएर विभिन्न कार्यक्रममा लगानी तथा रकम खर्चिन सकिनेछ।

प्रकाशित मिति: शनिबार, पुस ६, २०८१ १४:१९

प्रतिक्रिया दिनुहोस्