स्वस्तिक हेल्थ केयर सेन्टर–प्रभु बैंक सम्झौता, ग्राहकलाई उपचार सेवामा छुट

कर्पोरेट बजार

गृहपृष्ठ
कर्पोरेट बजार

स्वस्तिक हेल्थ केयर सेन्टर–प्रभु बैंक सम्झौता, ग्राहकलाई उपचार सेवामा छुट

क्यापिटल नेपालमंगलबार, वैशाख २५, २०८१

काठमाडौं। प्रभु बैंक र ललितपुरको सातदोबाटोमा अवस्थित स्वस्तिक हेल्थ केयर सेन्टरबीच स्वास्थ्य सेवामा छुट दिने सम्झौता भएको छ।

सम्झौताअनुसार स्वस्तिक हेल्थ केयरले अन्तरंग तथा बहिरंग सेवामा ओपिडी टिकटबाहेक रेडियोलोजी, प्याथोलोजी, फार्मेसी, फिजियोथेरापीलगायत स्वास्थ्य सेवामा बैंकका ग्राहकलाई छुट दिनेछ।

सम्झौतामा स्वस्तिक हेल्थ केयरका अध्यक्ष डा. अमृश थापा र प्रभु बैंकका प्रमुख मार्केटिङ अफिसर रवीन्द्र ढकालले हस्ताक्षर गरे।

ग्राहकले छुट सुविधा पाउन बैंकको डेबिट, क्रेडिट तथा प्रिभलेज कार्डमध्ये कुनै एक स्वस्तिक हेल्थ केयर सेन्टरमा पेस गर्नुपर्नेछ। निजी क्षेत्रबाट सञ्चालित स्वास्थ्य सेवा प्रदायक स्वस्तिक हेल्थ केयर सेन्टरले गुणस्तरीय स्वास्थ्योपचार सेवा दिँदै आएको छ।

हेल्थ केयरमा विभिन्न स्वास्थ्य परीक्षणका प्याकेजमार्फत नियमित स्वास्थ्य परीक्षण, परामर्श तथा उपचार सेवामा १० देखि २५ प्रतिशतसम्मको छुट व्यवस्था छ।

बैंक अफ द इयर २०२३ बाट सम्मानित प्रभुका नेपालभर ३०२ शाखा, २८५ एटिएमका साथै ७० एक्सटेन्सन काउन्टरबाट बैंकिङ सेवा दिँदै आएको छ।

प्रकाशित मिति: मंगलबार, वैशाख २५, २०८१ १२:५७

प्रतिक्रिया दिनुहोस्