आईसीटी अवार्ड सात विधामा वितरण गरिने, आवेदन माग

प्रविधि

गृहपृष्ठ
प्रविधि

आईसीटी अवार्ड सात विधामा वितरण गरिने, आवेदन माग

क्यापिटल नेपालबुधबार, चैत २१, २०८०

काठमाडौं। सरकारले सात विधामा राष्ट्रिय सूचना तथा सञ्चार प्रविधि पुरस्कार २०२४ (आईसीटी अवार्ड) वितरण गर्ने भएको छ। सरकारले नेपालमा सूचना तथा सञ्चार प्रविधिको विकास तथा प्रवर्द्धनमा योगदान पुर्याउनेमध्येबाट उत्कृष्टलाई पुरस्कार दिन लागिएको हो।

यसका लागि सञ्चार तथा सूचना प्रविधि मन्त्रालयले आवेदन मागेको छ। सरकारले हरेक वर्ष मे २ तारिखलाई राष्ट्रिय सूचना तथा सञ्चार प्रविधि दिवसको रुपमा मनाउँदै आएको छ।

मन्त्रालयका अनुसार यो वर्ष नेसनल आईसीटी एक्सिलेन्स अवार्ड २०२४, नेसनल आईसीटी एक्सिलेन्स अवार्ड २०२४ (महिला), नेसनल आईसीटी इनोभेसन अवार्ड २०२४ र नेसनल आईसीटी अवार्ड २०२४ (पब्लिक सेक्टर) प्रदान गरिनेछ।

यस्तै, नेसनल आईसीटी अवार्ड २०२४ (निजी क्षेत्र), नेसनल आईसीटी अवार्ड २०२४ (निजी क्षेत्र प्रोभेन्सियल) र नेसनल आईसीटी स्टार्टअप अवार्ड २०२४ पनि वितरण गरिनेछ।

अवार्डका लागि इच्छुक सार्वजनिक संस्था, कार्यालय, कम्पनी तथा व्यक्तिले उपयुक्त विधा छानेर आवेदन फारम भर्न सक्नेछन्। मन्त्रालयले आगामी ४ वैशाख अपरान्ह ५ बजेभित्र आवेदन पठाउन आग्रह गरेको छ।

प्रकाशित मिति: बुधबार, चैत २१, २०८० १६:४०

प्रतिक्रिया दिनुहोस्