उखु किसानको आन्दोलनमा रामचन्द्र पौडेलले भने– समाजवाद उन्मुख राज्यमा किसानको अवस्था यही हो ?

काठमाडौं– नेपाली कांग्रेसका वरिष्ठ नेता रामचन्द्र पौडेलले आन्दोलनरत उखु किसानको आन्दोलनमा ऐक्यवद्धता जनाएका छन्। 

शुक्रबार किसानको आन्दोलनमा एक्यवद्धता जनाउन माइतीघर पुगेका पौडेलले सामाजवाद उन्मुख राज्यमा किसानको अवस्था यसप्रकारको हुनु दुःखद् भएको बताए। ‘म किसानको आन्दोलनमा एक्यवद्धता जनाउन आएको हुँ । समाजवाद उन्मुख राज्यमा किसानको अवस्था यही हो ?,’ पौडेलले भने, ‘व्यापारीहरू राज्यको यत्रो संयन्त्र हुँदै कसरी उम्कन्छन् ? पक्राउ पुर्जी जारी गर्ने तर व्यवहारमा काम नगर्ने गर्नु भएन। कांग्रेस  पनि यो आन्दोलनमा छ ।’ 

चिनी मिलले उखुको भुक्तानी नगरेको भन्दै केही दिनयता किसानहरुले माइतीघरमा आन्दोलन गरिरहेका छन्।