थप ८२१ जनामा कोरोना संक्रमण, १८ जनाको मृत्यु 

काठमाडौं– पछिल्लो २४ घण्टामा नेपालमा ८२१ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयको तथ्यांकअनुसार यो सहित नेपालमा कोरोना संक्रमितको संख्या दुई लाख ४९ हजार २४४ पुगेको छ। 

देशभर सक्रिय संक्रमितको संख्या १०  हजार ९५५ रहेको मन्त्रालयले जनाएको छ। २४ घण्टामा कोरोनामुक्त भई डिस्चार्ज हुनेको संख्या ८४२ छ।

हालसम्म दुई लाख ३६ हजार ५७३  जना संक्रमणमुक्त भएका छन्। पछिल्लो २४ घण्टामा मृत्यु हुने संक्रमितको संख्या १८ छ। कोरोना संक्रमणबाट नेपालमा हालसम्म १ हजार ७१६  जनाको मृत्यु भएको छ।