माछापुच्छ्रे बैंकले बाँड्यो विभिन्न विद्यालयका विद्यार्थीलाई न्यानो कपडा

बैंकिङ

गृहपृष्ठ
बैंकिङ

माछापुच्छ्रे बैंकले बाँड्यो विभिन्न विद्यालयका विद्यार्थीलाई न्यानो कपडा

क्यापिटल नेपालबुधबार, माघ १७, २०८०

काठमाडौं। माछापुच्छ्रे बैंकले संस्थागत सामाजिक उत्तरदायित्वअन्तर्गत विभिन्न प्रदेशमा रहेका सरकारी विद्यालयमा अध्ययनरत विद्यार्थीलाई न्यानो कपडा वितरण गरेको छ।

बैंकले जाडो मौसमलाई लक्षित गरी आर्थिक अवस्था कमजोर रहेका कोसी प्रदेशको उदयपुरस्थित आधारभूत विद्यालय, सिवाई बेल्हा, श्री माध्यमिक विद्यालय कालीखोलाका विद्यार्थीलाई विद्यालय पोसाकअनुसारका स्विटर वितरण गरेको हो।

यसैगरी बैंकले मधेस प्रदेशको सिरहास्थित जनता आधारभूत विद्यालय मिर्चैयामा अध्ययनरत विद्यार्थीलाई पनि न्याना स्विटर वितरण गरेको छ। बैंकले विद्यालयसँगको समन्यवमा ती विद्यालयमा अध्ययनरत विपन्न, गरिब तथा जेहेनेदार बालबालिकाको स्वास्थ्यलाई दृष्टिगत गर्दै ३१० थान स्विटर वितरण गरेको हो।

बैंकले सिआरएसअन्तर्गत सातै प्रदेशमा विभिन्न कार्यक्रम सञ्चालन गर्दै शिक्षा, स्वास्थ्य, दिगो विकासलगायत काममा स्थानीय निकायसँग सहकार्य गर्दै आएको छ। हाल बैंकले १६५ शाखा, १२ एक्सटेन्सन काउन्टर, १२७ शाखारहित इकाइ, २०३ एटिएममार्फत बैंकिङ सेवा दिँदै आएको छ।

प्रकाशित मिति: बुधबार, माघ १७, २०८० १२:५६

प्रतिक्रिया दिनुहोस्